Poeticanchor_ash

मनाच्या गाभ्यातील एक अनंत अनुभव

कृष्ण फक्त एक नाव नाही, तो आपल्या प्रत्येक भावनेचा साक्षीदार आहे. अर्जुनाची द्विधा असो किंवा राधेचे असीम प्रेम, कृष्णाच्या विविध रूपांचा वेध घेणारी एक भावपूर्ण मराठी कविता.

कृष्णा, तुला तर सगळंच माहित आहे,
मनाच्या गाभ्यात लपलेलं प्रत्येक रहस्य,
कुठे लपला होता आनंद, कधी थांबलं दुःख,
तूच आहेस प्रत्येक क्षणाचा साक्षीदार।

तू राधेच्या प्रेमाचा असीम सागर,
अर्जुनाच्या द्विधेला शांती देणारा आधार,
तू गोकुळातील नटखट गोविंदा,
तू कुरुक्षेत्रावर धर्माचा आवाज।

तू एक योगी, जगाला मार्ग दाखवणारा,
तू किती प्रेमळ, भक्तांच्या हृदयात वसणारा,
तू द्वारकेचा राजा, रणाचा नायक,
तू एकच, तरीही अनेक स्वरूपात प्रकट।

कृष्णा, तुझ्यावर काय लिहावं?
तू शब्दांत न सामावणारा,
तू आहेस अनुभव, तू आहेस भावना,
आणि तूच अनंततेचं एक अमूल्य रूप।

@poeticanchor_ash

अश्विनी कुलकर्णी
02/10/2024